¿Queres recibir información sobre actos culturais e sociais na Comarca do Deza? ¿Anunciar ou convocar actividades?. Envia un correo a onaranxo@onaranxo.org ¡Xa somos 500!
A Mesa do Parlamento acordou na súa reunión deste pasado luns á tarde por maioría rexeitar a admisión a trámite da Iniciativa Lexislativa Popular sobre os usos públicos do galego nos ámbitos das administracións públicas e o ensino que a plataforma veu promovendo nos últimos meses.
En resposta, a comisión xestora nacional convocou unha conferencia de imprensa de urxencia esta mesma tarde para valorar a insólita decisión da Mesa da cámara e anuncias as medidas legais e sociais inmediatas a levar adiante para evitar por todos os medios posíbeis que o Partido Popular e o goberno de Núñez Feijóo poidan conquerir o seu mal disimulado obxectivo: silenciar a Queremos Galego como condición básica para desmobilizar a sociedade galega no tema da lingua e impedir que o debate sobre os dereitos lingüísticos chegue xa non ao Parlamento, senón á propia rúa, durante un período relativamente amplo de catro meses.
A violentación dun dereito democrático básico como é o de promover unha ILP debe ser amplamente difundida e ter a conseguinte resposta.
Achegámosvos o comunicado enviado a todos os medios co resumo do exposto na conferencia de imprensa desta tarde.
QUEREMOS GALEGO COMEZARÁ A RECOLLER SINATURAS PARA EVIDENCIAR O APOIO SOCIAL Á INICIATIVA LEXISLATIVA POPULAR REXEITADA POLA MESA DO PARLAMENTO
A plataforma asegura que “non vai calar por moito que queira Núñez Feijóo que a sociedade deixe de defender o galego”
Queremos Galego estudará respostas xudiciais contra a resolución da Mesa do Parlamento, que evidencia “a actitude prepotente dun Partido Popular que teima en non querer escoitar a sociedade”
Santiago de Compostela. 9 de marzo de 2010. A comisión xestora de Queremos Galego compareceu hoxe en conferencia de imprensa para, a través dun dos seus portavoces, Carlos Callón, anunciar as medidas legais e sociais a adoptar logo de a Mesa do Parlamento ter rexeitado por maioría a admisión a trámite da Iniciativa Lexislativa Popular impulsada nos últimos meses desde a plataforma. Esta iniciativa puxérase en andamento a través dunha comisión promotora da que fan parte nomes senlleiros en diferentes ámbitos da vida social e cultural do país, como Manuel Rivas, Avelino Pousa Antelo, Yolanda Castaño, Margarita Ledo, Xurxo Souto, Marica Campo, Kiko da Silva, Xosé Lois “O Carrabouxo” ou Sonia Lebedynski, entre outros.
Esta proposición de lei por iniciativa popular pretende garantir plenamente a posibilidade de uso do galego das e dos cidadáns perante a administración galega, desenvolvendo o estabelecido na Lei de Normalización Lingüística e na Carta europea de linguas minorizadas.
Para Queremos Galego a non admisión a trámite desta ILP é unha mostra máis “do medo que o Partido Popular ten a que a sociedade exprese de calquera maneira o seu apoio ao uso da lingua propia e oficial do noso País, mesmo utilizando e manipulando de xeito partidario institucións públicas como a Mesa do Parlamento e lexislación como a da Iniciativa lexislativa Popular para os seus fins”.
A plataforma cidadá lembra que o dereito á Iniciativa Lexislativa Popular é un dereito democrático básico recoñecido na Constitución española, “que vén de ser vulnerado”. A súa admisión a trámite non implica a súa aprobación, só marca o inicio dun período de recollida de sinaturas entre cidadás e cidadáns maiores idade e censuados en Galiza. Tras completarse o mínimo necesario (15.000), con todos os requisitos recollidos pola lei, motiva o seu debate parlamentario. Para a plataforma cidadá “é a este debate ao que ten pánico o Partido Popular, xa que evidenciaría que detrás do seu discurso o que se agochan son claras intencións de acabar coa lingua galega”. E recorda que “iniciativas anteriores foron tramitadas, sen lles seren aplicadas visións restritivas, con toda naturalidade, independentemente da súa aprobación final ou non”.
Queremos Galego anuncia que “non se dobregará ante esta manobra antidemocrática e autoritaria do Partido Popular”, que “aínda motiva máis” ás perto de 700 entidades que integran a plataforma a seguiren realizando accións de defensa da nosa lingua. Neste sentido, Queremos Galego anunciou que iniciará un proceso de recollida de sinaturas “exactamente baixo as mesmas condicións que se faría coa ILP”, que serán presentadas no Parlamento galego a todos os grupos.
Para dotar de garantías xurídicas e velar polo cumprimento da legalidade en todo o proceso, constituirase unha comisión xurídica formada por profesionais de diversos ámbitos do Dereito e a xustiza.
A plataforma cidadá chama ao pobo galego “a mobilizarse e non deixar pisar os seus dereitos lingüísticos e políticos”, duplamente vulnerados ao negárselle admisión a trámite parlamentar á iniciariva. Segundo Carlos Callón, “o PP terá que escoitar, quixer ou non, a voz do pobo”. E lembrou que este “xa reaccionou exemplarmante á política lingüicida do actual goberno a través das manifestacións máis grandes da historia democrática en defensa da nosa lingua e cultura”. O tamén presidente da Mesa pola Normalización Lingüística amosouse convencido de que a sociedade “volverá mobilizarse por múltiplas vías” se fai falta e anunciou a presentación dun calendario de “intensas actividades ao longo e largo de todo o país”.
Desde este momento Queremos Galego comezará a estudar a interposición dun recurso de amparo ante os tribunais competentes contra a decisión da Mesa do Parlamento, “co fin de restaurar en Galiza a normalidade democrática que o PP teima en facer desaparecer”.
Carlos Príncipe, ex alcalde de Vigo, fala e conta cousas “very typical spanish” sobre o tema das caixas, seus presidentes, fillos, cuñados, amigos, negocietes, etc etc etc..
Galicia mais que país é unha bosta na que se enzoufan os que “mandan”
2 de marzo de 2010
Se ríen de nosotros. Dicen que de esta salimos todos juntos, mientras se revuelcan en sus beneficios. El alto empresariado ha iniciado una ridícula campaña como un recurso más con el que seguir jugando con el trabajador de a pie, con el parado, con el estudiante. Con ese que, al contrario que ellos, sí ha sufrido esta crisis.
Una crisis internacional creada por banqueros y especuladores. Por el alto empresariado. Por los devorados por la avaricia. ¿Y quién la está pagando? Los de siempre. Y no les basta con tener beneficios: cuando no les basta a los poderosos que nos han metido en este embrollo con lo que nos están sangrando, preparan sus colmillos para abaratar el despido, para una nueva reforma laboral, para contratar trabajadores aterrorizados que obedezcan sin rechistar.
¿Por qué no les reformamos a ellos? ¿Por qué se pretende reformar a los trabajadores que no hemos tenido culpa alguna, y sin embargo ellos tienen más facilidades para extorsionarnos y quedarse con el fruto de nuestro trabajo?
Nos va quedando claro que aquí gobierne quien gobierne, al menos entre el PP y el PSOE, quien gobierna son los intereses bancarios, los de la gran empresa y de las clases con poder. Gane quien gane, ellos ganan. Y si en algún momento tienen la impresión de que no ganan, ya se ocuparán de restablecer la normalidad democrática como en Honduras.
La Ley Electoral española, diseñada para repartir el poder entre dos grandes partidos que representan a los mismos intereses, impide todo posible cambio y secuestra el voto de los españoles.
La única manera de salir de aquí, es sin ellos.
“Es mucho más grave fundar un banco que robarlo” [Bertolt Brecht]
Baseándose nun texto de Kazuo Ishiguro, escritor inglés de orixe xaponesa que asinou a aclamada novela “O que queda do día” -a súa adaptación cinematográfica foi a cargo de James Ivory.
Guy Maddin cambia infinidade de elementos, comezando por onde sitúa a acción: Inglaterra é substituída pola súa cidade natal, Winnipeg, nos anos da Gran Depresión.
A película narra a estraña historia de Lady Helen Port-Huntley (personaxe interpretado por Isabella Rosellini) quen organiza un concurso para atopar a música máis triste do mundo; o evento servirá como escusa para o desfile dos máis excéntricos personaxes.
De marcada influencia expresionista, The Saddest Music in the World mostra os acenos identificativos do cinema de Maddin e está considerada unha das súas obras cumes.
A Rolda de Rebeldía pretende ser un gran debate político que quere reunir a meirande representación posíbel da esquerda política transformadora e da esquerda social galegas. O primeiros actos aconteceron o 30 de xaneiro de 2010 no Hotel Compostela, de Santiago, cunha base de tres eixes temáticos fundamentais:
*É o modelo de partido clásico inoperante? Cómpre construírmos ese novo referente- suxeito político -social? E se así é, de que modelo organizativo debemos dotarnos? É o acceso ás institucións necesario?
*Como crear as canles de comunicación, participación e irmandade entre a esquerda social e a esquerda política? Cales son as esixencias da cidadanía e dos movementos sociais no eido da súa relación coas organizacións políticas?
*Que mecanismos e accións debemos emprender para afondar na creación de masas críticas que esixan un cambio radical do noso modelo de sociedade partindo da realidade galega de hoxe?
A Rolda de Rebeldía naceu por iniciativa do Encontro Irmandiño para pór andar un proceso de reforzo do mesmo como instrumento político e social para a liberación nacional e social de Galiza, implicando e compromentendo a todas e todos os que pensen que unha outra Galiza é posíbel. No entanto, pretende ter unha fin en si mesma e que sirva tanto á esquerda social como á esquerda política galegas a procurar alternativas e tirar as súas propias conclusións. É, ao cabo, unha proposta de debate político continuo que se pon ao servizo de movementos e cidadanía para abordar a discusión de temas até agora adiados neste país.
A Asociación Cultural e Musical O Castelo organiza dentro da programación da VI FOLIADA DE MELIDE o “II Concurso de cantos de taberna” que se celebrará en Melide o sábado 24 de abril entre as 12:00h e as 15:00h
BASES
1. Participarán un máximo de 12 grupos que serán incluidos por orde de inscrición
2. Os grupos participantes estarán compostos por un máximo de dez compoñentes
3. A inscrición é gratuita e poderase realizar mediante o e-mail da organización: foliadamelide@gmail.com, ou ben chamando o tlf: 699 173 568
4. O repertorio será preferiblemente tradicional
5. Cada grupo percorrerá un itinerario diferente e irá acompañado por un membro da organización
6. En cada taberna cantarase un só tema, podendo utilizar o mesmo tema en todas as tabernas
7. Da puntuación encargarase o taberneir@ correspondente
8. A puntuación establecerase entre 1 e 10 puntos en cada taberna. O grupo que ao final do percorrido consega máis puntos será o gañador do concurso
9. Establécense tres premios:
1º premio: cea nun reastaurante da vila
2º premio: cesta de productos típicos
3º premio: cesta de productos típicos
10. A resolución do concurso e a entrega de premios realizarase o mesmo día do concurso coa actuación dos grupos gañadores
Hoxe nos xornais do Deza aparece publicada unha carta da Comisión de Hostalería e Turismo da Asociación de Empresarios de Deza, agradecéndonos as actividades levadas adiante este ano no Antroido. Ista é a carta (Tomada de http://www.lavozdegalicia.com/deza/2010/02/25/0003_8316748.htm).
Ascensión de Santo Torrisco, a procesión, o vermú de señoritas, a Cacharela e os Cacharelos, etc, e o que queda no tinteiro. Dende o colectivo da Hostalería e Turismo da Asociación de Empresarios de Deza, queremos recoñecer a vosa entrega no Antroido 2010 que rematou recentemente, coa esperanza de que no próximo ano 2011 sexa o «despegue» no Antroido que todos queremos e desexamos para o pobo de Lalín.
É de recoñecer que coas vosas formas e o voso humor enchedes de alegría todo un pobo, por iniciativa propia, sen esperas, sodes un exemplo a seguir polos demais colectivos de comparsas e charangas que hai no pobo e na comarca.
Un proxecto único de Antroido en Lalín
Desexamos plantexar para o ano un proxecto de Antroido para un pobo unido, cun único cartel, cunha única divulgación publicitaria, coa hostalería como soporte de promoción e apoio, donde as charangas, o Santo Torrisco, os Cacharelos, o vermú de señoritas, o Titirentroido, o centro comercial Pontiñas cos seus concursos, a Festa da Xuventude, e o Concello de Lalín, e así se entendan e participen dun proxecto firme, onde os lalinenses se sintan orgullosos do seu Antroido para vivilo e transmitilo nos vindeiros tempos.
Desexamos contar convosco para ese proxecto e para diversas iniciativas que estamos a tramar, ó tempo que sirva este escrito de comunicado as demais comparsas e charangas que teñan a mesma filosofía que a sobradamente demostrada e recoñecida da asociación O Naranxo.
Moitas grazas por ser como sodes.
Estamos tan pouco acostumbrados a que nos agradezan cousas que casi non damos reaccionado!
Así que aquí vai a nosa resposta:
1. de nada amigos!. Calquer cousa que queirades comentar sobre calquer proxecto cultural para o Deza terá a nosa atención e cariño.
2. Grazas a vos, por convidarnos a unha xuntanza, por expoñernos as vosas ideas, por aceptar as nosas, por querer colaborar, e por pensar en nós para proxectos de futuro.
3. Grazas aos veciños e veciñas de A Cacharela, que dende o seu traballo ilusionado, constante e dende cero, están construindo un Antroido baseado na tradición, que seguramente co paso dos anos convertirase nun referente na Galiza.
4. Parecenos moi ben a idea dun proxecto global de Antroido, estamos disposto a aportar en positivo e acudir a canta xuntanza convoquedes. Proxectos culturais globais, coa participación aberta e libre de todos os colectivos e persoas de Lalín é o que levamos pedindo dende sempre. Si conseguides que o Concello mude a sua actitude de can que nin come nin deixa comer xa teredes toda a nosa admiración.
Pois si, o venres 26 de febreiro a noite no Barriga verde teremos en acción ao noso vello coñecido Chick Macauley (escocia) acompañado das Strating Sisters (Australia) e Ian Macleod (Escocia).
Recomendadisimo! e despois, unha pequena Jam sessión, alcohol e festa!
Os días 27 e 28 de Febreiro celebraranse en Santiago de Compostela as Xornadas Galegas de Soberanía Alimentar, organizadas pola ISAP (Iniciativa pola Soberanía Alimentar dos Pobos) con financiamento da Cooperación Galega. Será no Salón de Actos da Faculdade de Filosofía da USC, situada na Praza de Mazarelos. Nesta Praza, ademais, haberá unha Feira pola Soberanía Alimentar o Domingo 28 de 10:00 a 14:00 e de 16:00 a 20:00 horas.Para unha mellor organización das Xornadas prégase confirmación de asistencia en info@sobreaniaalimentar.info.
Entre o 20 e o 27 de Febereiro celebraranse en Ourense as IV Xornadas de Agroecoloxía, coorganizadas por Semente; Amarante; Amigos da Terra; A Esmorga e Verdegaia. Entre os obxectivos das mesmas preténdese, máis unha edición, visibilizar a Agroecoloxía como ferramenta de amplo poder transformador no ámbito da produción local e consumo responsábel potenciando as relacións sociais directas e de confianza entre produtoras e consumidoras.Para máis información pódese descargar o programa aquí e tamén visitar o web www.agrourense.info
Estamos no terceiro aniversario da constitución de Coop57 en Madrid e temos moito que celebrarmos. Podémosnos sentir orgullosos e orgullosas de termos acadado que un útil financeiro coma este, sexa unha realidade en Madrid.O próximo sábado, 27 de Febereiro, celebramos estes tres anos de funcionamento da Sección de Coop57 en Madrid. Como entidade socia convidámoste desde o Consello Reitor a comunicar os logros destes anos de traballo, así como a difundir a celebración desta festa para acadar unha ampla participación na mesma.
Queremos celebra-lo con todas as persoas e entidades que confiaron no Proxecto e tamén coas que o farán no futuro. A festa constará dunha apresentación do Proxecto; un sorteo de produtos de comercio xusto; boa música e espectáculo.
¡¡¡ Non o perdas ¡¡¡ Vente con amigas e amigos e axúdanos a difundir Coop57. O lugar de celebración será a Sala Ya’sta na rúa Valverde, 10 de Madrid a partir das 20.30 horas. O prezo da entrada será de 4 € até completar cabida.
En Coop57 sabemos onde vai o noso diñeiro.
En Coop57 decidimos onde vai o noso diñeiro.
Outra economía máis xusta é posíbel : Ti e a túa entidade estades a ser protagonistas delo
Aquelas socias de Coop57 GZ interesadas en asistir pregamos confirmación á maior brevidade posíbel a través de galicia@coop57.coop para informarmos ás compañeiras de Coop57 Madrid, e organizarmos a viaxe.
¿Queres recibir información sobre actos culturais e sociais na Comarca do Deza? ¿Anunciar ou convocar actividades?. Envia un correo a onaranxo@onaranxo.org ¡Xa somos 500!
