¿Queres recibir información sobre actos culturais e sociais na Comarca do Deza? ¿Anunciar ou convocar actividades?. Envia un correo a onaranxo@onaranxo.org ¡Xa somos 500!
Cristina García Rodero, unha das máis grandes fotografos españoles ven de converterse no primeiro fotografo do estado, e a cuarta muller que é aceptado na mítica axencia magnum coma membro de pleno dereito. Os que como eu, admiramos a sua obra e soñamos con facer unha vez na vida unha fotografia como as que ela fai, desexamos que desfrute deste tan merecida honra. Parabéns!
Fai uns meses, un grupo de membros da Igrexa “Manifested Glory Ministries”, en Connecticut, iluminados pola “fe” decidiron curar a homosexualidade dun rapaz facéndolle un “exorcismo”, xa que, segundo eles, unha persoa e gay porque ten o “demo da homosexualidade” dentro del.
O posuido é un adolescente de 16 anos que é cuberto cun lenzo para evitar que o demo homosexual infecte outros corpos. No vídeo o pastor berra “¡no nome de Xesús, invoco á homosexualidade! … o seu redor os asistentes berran: ¡agora, no nome de Xesús!” “demo homosexual, sal e deixa este! ¡afloxa teu puño, Lucifer!”, “sae do seu bandullo”, “está no bandullo empuxa”.
O exorcista peta no rapaz, bátelle a cabeza contra o chan, cólleo polo pescozo, aplícalle as mans (santas?) na cabeza, ate que o rapaz vomita todo o que leva dentro… Comparado con estes, a romaria do Corpiño é unha carallada!
A Igrexa “Manifested Glory Ministries” defendese: “Non temos nada na sua contra, pero non estamos dacordo co seu estilo de vida”… carallo! se o chegan a ter!
No século XXI a ciencia ainda non nos librou da barbarie da fe.
CONVÓCASE REUNIÓN ABERTA PARA A CREACIÓN DUNHA PLATAFORMA SOCIAL EN DEFENSA DO GALEGO – QUEREMOS GALEGO
Prezada compañeira, Prezado compañeiro,
A Mesa pola Normalización Lingüística convoca a todas as entidades que teñan interese en conformar unha plataforma social en defensa do galego a unha reunión aberta o vindeiro 7 de xullo ás 17 horas na Galería Sargadelos de Santiagode Compostela, onde se acordará a estrutura e o programa de actividades desta nova plataforma, tan necesaria perante as fortísimas agresións contra a nosa lingua desde o actual Goberno galego.
A Mesa achegou xa nesta semana o convite a participar nesa reunión a todas as entidades que apoiaron a manifestación do pasado 17 de maio, aínda que está aberta a todos os colectivos da sociedade galega, de calquera ámbito, xa que a lingua a todas e todos nos afecta, a todas e a todos nos implica.
Entre outras posibilidades a debater, A Mesa proporá impulsar unha iniciativa lexislativa popular pola garantía do dereito a poder vivir en galego, na cal estiveron a traballar varios xuristas pertencentes ao Observatorio de Dereitos Lingüísticos.
Son de valorar moi positivamente todas as iniciativas que, individual ou colectivamente, están a surxir nos últimos días a prol do noso idioma propio. Pensamos que o camiño a iniciar a partir do vindeiro día 7 debe servir para sumar e unir todos os esforzos nunha mesma dirección, para fortelecer e ampliar todo o posíbel o movemento cidadán en defensa do galego.
Agradecémosche que difundas esta convocatoria entre todas as entidades que coñezas na túa contorna, sexa cal for o seu ámbito de actuación.
Falase moito estes días nos xornais e foros de internet do que aconteceu co polémico traslado a Galiza dos restos de Castelao. Colgamos este vídeo do que foi a apaixoada crónica de Tareixa Navaza
Segunda parte da entrevista realizada a Roberto Varela Fariña, Conselleiro de Cultura no mes de decembro de 2007, por Isaac Cordal, Roi Fernández e Berio Molina para un documental sobre creación contemporánea.
Atopada na sempre interesante bitácora Brétemas de Manuel Bragado Rodríguez
As veces hai que ter claros algúns conceptos antes de abrir o xornal cada mañán, xa que antes de que faga efecto o pitillo e o café o noso cerebro pode ler cousas que, vai ti a saber que poso deixan no cerebro.. “O Naranxo” quérete axudar!
Ás compañeiras e compañeiros traballadores do ensino en Galicia.
No centro no que son director, CEIP Isaac Peral de Ferrol, o equipo de Normalización e Dinamización Lingüística decidiu enviar ás nais e pais de alumnas e alumnos (a respecto da consulta sobre a utilización das linguas por parte da Consellería de Educación), a información do tríptico: AS LINGUAS SUMAN, promovida pola Coordinadora galega de Equipos de Normalización e Dinamización Lingüística, que ademais contaba co apoio da “Área de Normalización Lingüística da Universidade de Vigo”, do “Servizo de Normalización Lingüística da Universidade da Coruña” e das “Escolas Católicas Galicia”, entidades nada sospeitosas de ir en contra da legalidade vixente e doutro documento, asinado entre outros por A Mesa pola Normalización Lingüística, Asociación de Directores e Directivos de IES, AS-PG (Asociación Socio-Pedagóxica Galega), CIG-Ensino (Confederación Intersindical Galega), Comités, Coordinadora de Equipas de normalizacióon Lingüística de Ferrolterra, Coordindora de Equipas Normalización Lingüística de Compostela, Federación de ANPAS de centros públicos de Ferrolterra, NEG (Nova Escola Galega), STEG (Sindicato das traballadoras e traballadores do ensino de Galiza). Sinaladas en negriña ás que directamente están relacionadas xeográficamente co CEIP Isaac Peral de Ferrol.
Nestes días tivemos coñecemento directo e indirecto de muitos centros de ensino de toda Galicia que remitiron aos pais do alumnado a mesma ou similar información, sen que iso deba alterar “ o proceso ” de enquisa antedito. Persoalmente non creo que dar información, da que teñen capacidade de ofrecela os equipos de NeDL segundo o ROC (Regulamento Orgánico de Centros, artigo 68) supoña un problema para que como cidadáns libres teñamos unha maior óptica dos temas e logo cadaquen coa súa idea…
Por todo elo e sendo denunciada a dirección do meu centro polo “senador del Partido Popular Juan Juncal”, é polo que a aqueles que queiran e que o estimen oportuno, manifesten o seu apoio cunha forma moi sinxela, se é do voso agrado: suscribir enviando un correo ao meu enderezo particular (luisdocampo@edu.xunta.es) co texto que atoparedes neste link: apoiocontraadenunciadejuanjuncal. É interesante que vaia neste formato porque a mellor opción para non malgastar papel será para mín incluir eu persoalmennte, un tras outro, os escritos de apoio, para enviarllos á Consellería se fora o caso ou a D. Juan Juncal, ou a quen corresponda, por esa vía tan moderna e democrática que é o correo electrónico que ata ten validez sen levar sinatura manifesta (caso de case toda a documentación que nos chegou sobre “el proceso de consulta”.
Nova sobre a denuncia de Juan Juncal
PP denuncia colegio Ferrol reparte tríptico de A Mesa junto con encuesta Santiago de Compostela, 16 jun (EFE).- El senador del Partido Popular Juan Juncal ha acusado a la dirección del colegio Isaac Peral de Ferrol de intentar influir en el resultado de la encuesta de la Consellería de Educación sobre el uso del gallego al repartir junto a esta un tríptico de A Mesa pola Normalización Lingüística.
Según el político popular, en el tríptico distribuido en este colegio ferrolano “se habla de forma tendenciosa” sobre este proceso, y acusa a la dirección del centro de “intenta imponer una opción frente a la libertad de educación que propugna el PP y la Xunta”.
Para el senador del PP, la dirección del centro “debería preocuparse de que los padres pudieran elegir libremente la educación de sus hijos en lugar de intentar imponer una opción”.
Según afirma, “el único interés de la Xunta es cumplir su promesa y ayudar a que se alcance un consenso político y social que se ha perdido en torno al uso del gallego”.
Juncal sostiene que la dirección del colegio Isaac Peral de Ferrol ha incumplido las instrucciones dadas por la Consellería de Educación, en el sentido de que no se debía entregar documentación alguna junto a la encuesta, y hace hincapié en que el contenido del tríptico “orienta claramente a votar una determinada opción, la defendida por la Mesa de Normalización Lingüística”. EFE
Resposta de J. Luís Docampo:
Respecto da denuncia arriba sinalada contra o centro arriba citado e como director del quero facer varias apreciacións, entre elas e importante para mín poñelo aquí por honradez persoal: foi o Equipo de Normalización Lingüística do centro, co consentimento persoal meu como director, o que enviou a información do tríptico e doutro documento máis:
1º Apreciación: O señor Juan Juncal minte ou non leu ben a información cando dí: “al repartir junto a esta un tríptico de A Mesa pola Normalización Lingüística” Por tanto primeira falsedade xa que o tríptico ao que se refire é o seguinte: AS LINGUAS SUMAN, promovido pola Coordinadora Galega de Equipos de Normalización e Dinamización Lingüística, que ademais conta co apoio da “Área de Normalización Lingüística da Universidade de Vigo”, do “Servizo de Normalización Lingüística da Universidade da Coruña” e das “Escolas Católicas Galicia”, e non pola Mesa de Normalización Lingüística.
2ª) Se a información dada pola coordinadora que engloba a todos os equipos de Normalización e Dinamización Lingüística de Galicia (funcións recollidas no ROC REGULAMENTO ORGÁNICO DE CENTROS, Decreto 374) incumple algunha Lei que sexa a Consellería quen mo diga persoalmente e/ou cambie o regulamento, pois nel no seu Art 68. e) díse: Proporcionarlles aos membros da comunidade educativa información sobre as actividades do equipo e de todos aqueles actos e institucións culturais relacionados coa realidade galega.
3ª) Que eu saiba a día de hoxe “elegir libremente la educación de sus hijos” debe referirse polo que hai vixente a: ensino público, privado concertado, estrictamente privado e se hai algunha máis, edifíqueme.
4ª) Respecto de “el único interés de la Xunta es cumplir su promesa y ayudar a que se alcance un consenso político y social que se ha perdido en torno al uso del gallego”, pois benvido á causa. E se teñen que “cumplir la promesa” que o fagan no Parlamento de Galicia que é onde se fan leis ou se modifican ou se tiran abaixo.
5ª) Velar polo proceso, como dí a Consellería, especifica que non se fagan actos de campaña nun sentido ou noutro, non que a Comunidade Educactiva non teña informacións ao respecto e sobre todo se procede de equipo de Ne DL recollido no ROC. E volve a opinar sobre a Mesa. ¿Qué teima coa Mesa? Repítolle que o tríptico ten a promoción apuntada no punto primeiro.
J. Luís Docampo Amoedo, director do CEIP Isaac Peral de Ferrol
Como tódolos veráns o Museo do Pobo organiza algúns obradoiros e outras actividades para o público xeral coa colaboración da Concellaría de Cultura do Concello de Santiago. As mesmas deron comezo co Café da Memoria do día de S. Xoán e continuarán durante os meses de xullo e agosto.
Entre os obradoiros deste verán están Xogos Bailados, que dirixido por Carme Campo e Luís Prego vaise desenvolver o 9 de xullo pola mañá. Os xogos bailados e cantados conforman unha parte importante do patrimonio inmaterial. Desta consideración xorde a iniciativa por parte do DEAC do Museo do Pobo, de ofrecer esta actividade na que nenos e nenas poderán achegarse a elementos básicos da nosa cultura como son os xogos, o baile e a música, de maneira amena e adaptada a idades comprendidas entre os 4 e os 6 anos.
Bitácora Bonaval, de María Meijide e Xaquín Penas Patiño, convida a facer un caderno de artista no que reflectir a experiencia de cadaquén co parque de San Domingos de Bonaval, un lugar que une a memoria da cidade e o lecer. Para facer o caderno de artista contaremos coa artista María Meijide, quen entre as súas obras, conta con numerosos cadernos de viaxe e co profesor de ciencias Xaquín Penas, quen nos axudará a coñecer moitos dos segredos do parque. Deste xeito, o caderno recollerá a experiencia do que se ve na natureza pero tamén do que se agocha. Este obradoiro que é froito da colaboración entre o Museo do Pobo Galego e o CGAC, vaise desenvolver entre o 28 e o 31 de xullo.
Ademais e, desde esta semana e durante todo o verán, haberá a posibilidade de facer unha visita guiada sen solicitude previa, simplemente presentándose no Museo ás 12 ou ás 17 horas de martes a sábado.
Para máis información sobre tódalas actividades e exposicións do Museo do Pobo, pódense dirixir a páxina web www.museodopobo.com ou ao departamento de Educación e Actividades no teléfono 981583620.
Amigas e amigos:
Creo que a ninguén lle fai falta explicar a situación de gravidade extrema na que nos atopamos con respecto ao noso idioma e a nosa cultura. As persoas que me coñecedes sabedes que son pouco tendente a agoniar e moito máis tendente a actuar. Por iso creo que, despois de escoitar e observar tanto despropósito debemos deixar de agardar que outr@s fagan por nós e tomar a iniciativa. De aí a razón deste correo.
Hai xa días que veño escoitando voces que pensan o mesmo ca min (Rivas, Cordal, Fernández Paz, entre outr@s) e é que cómpre mobilizar á sociedade, sobre todo aquela galegofalante que mantivo ata o de agora a lingua viva pero que segue participando dos prexuízos que se instalaron con desprezo e co mecanismo terrible de facer sentir vergonza permanente do propio. É tempo de mobilizar ese grandísimo sector da poboación para calar mentiras e para desbloquear esta situación na que nos atopamos de agresión á lingua sen precedentes na democracia.
As ideas poderían ser moitas, envíovos a miña agardando que deste xermolo poidamos tirar os primeiros pasos para este grande movemento que precisamos. A miña idea (obviamente gandhiana) é que baixemos a pé de obra facer o que ninguén fixo: debater, falar, cambiar mentalidades. Así, gustaríame poder organizar convosco unha grande MARCHA POLA LINGUA que percorrese a partir de agosto, pouco a pouco, con accións de diversa índole, as aldeas e vilas de Galicia. O obxectivo da marcha sería establecer un diálogo verdadeiro, sen partidismos nin mediacións da prensa, coa cidadanía. Escoitando e tamén falando, desfacendo preconceptos e tentando reinstaurar o orgullo do propio dun/has galegofalantes longo tempo desprezad@s por parte de certos colectivos urbanos que agora toman a palabra. Concibo a marcha como un acto en positivo, no que debe de primar sobre todo o AGRADECEMENTO a todas as persoas que conservaron e conservan a lingua dunha forma anónima e sen as cales non poderiamos cantar, nin escribir, nin facer teatro, cine… Esas persoas se cadra precisan un recoñecemento para moverse, para sentir orgullo, para non asumir como sempre se nos dixo, que o galego é cousa “de pailáns”. Iso que tan ben saben repetir e amplificar con novos discursos dende as instancias de poder actual.
É hora de facernos valer tamén como xente que traballamos coa lingua dende diversas facetas. Todo o mundo é benvido e por iso me gustaría contar con vós, coas vosas ideas e arte para fomentar a conciencia crítica. Podemos utilizar centos de recursos que combinados poden cambiar este país, dende compartir e recoller música (mesturar cos novos estilos, co popular…) ou léxico ata facer da retranca o noso estandarte (podemos facer un enterro da lingua retranqueiro, publicar o seu obituario nos xornais que tanto fan por esmagala, contar contos), dar a coñecer á cidadanía os moitos logros que se fan dende o galego e que non se visibilizan. Xunt@s podemos chegar realmente á cidadanía, axitar a prensa que por unha vez se interesa desgraciadamente por este tema e falar coa nosa voz alta e clara.
Para comezar a cohesionar esta idea gustaríame que nos vísemos en Compostela o día 2 de xullo para comezar a andar, e debater as ideas base que queremos defender e como imos facelo. Dende o meu punto de vista, os obxectivos deberían centrarse en temas como:
-galegofalantes non somos minoría
-a democracia non é impoñer o que queren os colectivos con poder (sexan por razón de lingua, sexo, orientación sexual, relixión, clase, etc) senón crear un lugar onde todas as persoas poidan desenvolverse en igualdade
-a defensa do idioma galego non é unha imposición senón un dereito, sobre todo na educación e na administración.
-a única lingua que se impuxo e impón é o castelán
-o galego é riqueza, é pensar en diversidade fronte a un pensamento único que está directamente vinculado ao fascismo
-o galego únenos a miles de pobos dado que somos unha maioría a nivel mundial as persoas que vivimos en entornos plurilingües, por moito que pareza o contrario (de feito tende a dicirse que Portugal é o único país monolingüe polo menos de Europa e nós sabemos que nin iso é certo).
Gustaríame aclarar finalmente tamén que o meu papel en todo isto non é máis que o de tentar catalizar o que todas e todos nós queremos e podemos sen dúbida conseguir e o de se cadra dar os primeiros pasos no camiño. A miña experiencia no traballo en cooperación dime que esta é a vía do cambio, a que temos que seguir. E se non funciona prefiro polo menos dicir que o intentamos.
Se estades minimamente de acordo con todo isto e queredes dar as vosas ideas, participar, sacar a rabia que levamos dentro de xeito creativo, por favor contestade e espallade este correo. Contestade dicindo a que hora poderiades quedar o día 2 a ser posible antes do día 28 de xeito que poidamos buscar un lugar axeitado para vernos dependendo de canta xente sexamos. Porque as ameazas son tamén oportunidades, comecemos a andar o camiño da esperanza.
O proxecto A Tarabela, artellado como asociación cultural para traballar activamente a prol da cultura, das artes e da acción social tendo sempre presente a nosa identidade cultural e lingüística, xa ten espazo na rede.
Se queres saber máis do proxecto, e sobre todo, sumarte a el, tes toda a información en www.tarabela.org
A ESMUTELIN convídanos a asistir ao acto especial 11 aniversario da Escola, as 21 horas no Salon teatro o venres 26 de xuño. Interpretaranse 5 temas en directo do Musical e 3 contos da escola.
¿Queres recibir información sobre actos culturais e sociais na Comarca do Deza? ¿Anunciar ou convocar actividades?. Envia un correo a onaranxo@onaranxo.org ¡Xa somos 500!
O Naranxo, o Rei do mundo
Amigas e amigos:
